Profilo di Adam羽♨FotoBlogElenchiAltro  |  Strumenti Guida |
羽♨羽ﭢ
|
08 agosto 呢個星期好忙！不過每年呢個月都會忙d，今年都忙，而且岩岩完左既weekend仲有兩個大show添，所以就忙上加忙，淨係整opening都整幾個，仲有closing加好幾個VT，國語力仲要到後台拍得獎感受！嘩！不過今年叫左細佬去幫手，都幫輕下既！難得佢又肯，我公司其實都好奇怪，多個人都可以唔問，完全無人問過呢個邊個黎？反而係d星見到我同細佬咁似樣，會反問一句『咁似既你地？兄弟？』，乜我地真係咁似咩？
今日放工卒之拎翻架車啦！！嘩！炭黑色既電單車呀！我恨左好耐，不過我諗好易花，但係又易噴喎！都唔知好定唔好啦！不過都幾特別，起碼我諗我款車黎講得我一架炭黑色！！去到旺角應該收視率都幾高掛，識我既人都知我浮誇得黎細膽架啦！！哈哈哈！！！
04 agosto 三號風球？唔係想唔返工，不過真係唔似三號風球，八號都無咁勁呀！不過都好彩要返工，因為實在太多野要搞，一連兩日都有show，好多野都未決定同搞掂，所以都係有得返工好，驚做唔切呀！
放工去左睇期待以久既軟硬，成個show個氣氛好好，表演方面就都係咁啦，又唔係以唱功取勝，講下笑，跳d唔齊既舞步，玩下嘉賓，we we wet wet咁就一晚，不過個個觀眾都係聽軟硬大既，所以真係好好氣氛架，初嚮香港睇咁多個show，係得呢次真係要企起身睇，再到今晚既嘉賓草蜢出場，就更利害，熱血沸騰呀！！成個show除左前半部我覺得有少少悶之外，都算ok！！不過佢地d產品真係掠得好勁囉！帽一頂都要$320，T-Shirt又係，有件風褸竟然要$12XX，仲要排長龍！癡線！！ 01 agosto 人善人欺天亦欺！！前排睇大時代既時候，丁蟹講過呢句說話！有時我都會覺得我人都唔係差？點解會咁咁咁......？定係其實每個人都會覺得自己係唔好彩既一個呢？亦可能每個人既EQ唔同，有人遇到少少野就V嘩鬼叫，有d就天跌落黎，都笑得出！我自問都EQ高，但係都懇請個天唔好試我啦好冇？比條路行下啦！！PLS！
動漫節就去過，都算有d收獲，不過竟然唔係漫畫，人就比去年既多，真係迫到呢！都根本無路行！而且講真，同第一年去時既情況比，第一年就真係純漫畫，依家就同年宵無分別！香港既漫畫業又息微，同往時好唔同，我就已經去到連一本香港出既漫畫都無追啦！當然日本漫畫就都會買啦！有時真係佩服日本人既創意！無論你鍾意乜類型既野，都可以出本主題漫畫！而且做晒調查，唔係亂黎架！有d就連商品一齊出售添！你話人地既頭腦幾勁！
放工同細佬求其食少少野，就回家啦！去到青衣站轉小巴既時候，睇見個小巴站牌，發覺一件幾好笑，但係又覺得係破壞公物既行為！你地自己睇下有乜唔妥啦！唔講啦！！
PS. Simon兄，對不起！！
29 luglio 呢期真係日日如是！無乜特別野發生，琴日就同舊同學食左餐飯，都有一排無見，其中兩個女同學，仲帶一個仔一個女出黎，好鬼得意，而帶個仔出黎個對，仲係由中學就已經行到依家，結婚生仔，真係好乞人憎，邊有咁完美架！！唯有永遠祝福佢地啦！
今日返工見到鄭融，記得對上個星期日睇完美女廚房佢既表演，同佢講左一陣，笑到肚痛，佢話現場仲好笑！我諗都係！我話點都估唔到佢會贏就真！！
放工去左睇龍虎門！呢套戲既宣傳真係勁到不得了，由開拍到依家上演，真係唔睇漫畫既人，都知有樣野叫龍虎門，宣傳得勁係成功既要素之一，今日睇完，就覺得用錢堆出黎既鏡頭，係令人覺得特別既，不過我知有一班人係唔受呢樣野，我就參半啦！始終睇戲，如果無乜劇情可言既戲，就唯有睇下打，睇下d鏡頭點囉！！ 24 luglio 唔鍾意落D既人落D會....應朋友之約，同一班新朋友上左深圳一間叫本色既D，其實我唔係唔鍾意D，只係我又唔識飲酒，所以會比人覺得唔玩既感覺，出去跳舞，個度又好似無冷氣，跳兩跳就濕到飛起！又返入去坐，結果同朋友猜下玫，飲左兩杯就借d椅落左去打機！唱左二十蚊代幣，發覺好襟打，竟然打左成個鐘，差d比人通揖尋人，以為我飲醉比人抬走左！
第二日起身，本來去稻香飲茶，點知真係多人到不得了，所以退而求其次，去左潮江春，發覺原來嚮深圳飲餐靚茶，係貴過食晚飯既，飲完茶就四圍行，去一d平時去深圳都唔會去既地方，我地去左睇玩具，不過大陸既玩具真係翻翻翻，所以質量都係...反而樓下有文具批發，d文具都唔錯，文房四寶樣樣齊，好過成日行黎行去都係東門呀！
晚上去左樂園路食海鮮，成枱都係野，仲有象拔刺身，都係每人$63，所以大家都對呢個行程相當滿意下！
傾下講下，返到香港都成十一點囉！盡興而回啦！！
PS. 呢個旅程發生左最得意既事係去到邊，壞到邊，首先去飲下午茶既地方個頭頂既風扇壞左，食晚飯既地方部電視壞左，睇唔到美女廚房，最後係就快到皇崗口岸既的士死火壞左，要行十分鐘路去過關，不過因禍得福既係原本落的士既地方太多人，所以閘晒唔比行，但係由於我地一早就行既關系，直接就嚮好早既地方過左馬路囉！所以不受影響！嘻嘻！！ 22 luglio 沒有車用的日子！！放工拎左架車入廠大修！相信會有一段長時間無車用！自從有車之後，都好少有一日係唔用就出街，有時真係太依賴佢，需知道真係幾方便既！所以今日食完晚飯之後，要問人點搭車返自己屋企！點知未上巴士，就收到朋友電話，仲要係嚮附近添，所以就去左飲野啦！傾下講下，又飲下咁，朋友月尾就返過美國，佢成日要飛黎飛去，都幾辛苦，唔知遲d我係咪都要飛黎飛去呢？ |
|||||||||||||||||||||||||||||
|
|
